بیماری میں مبتلا ہونا گناہوں کو مٹا دیتا ہے:

  اللہ تعالیٰ نے اپنے بندوں پر احسان کیا ہے کہ انہیں جب بھی تکلیف پہنچتی ہے اوروہ کوئی  اعتراض کیے بغیر اس پر صبر کریں تو  اللہ تعالی اس تکلیف کو ان کے گناہوں اور خطاؤں کا کفارہ بنا دیتا ہے۔ سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: مسلمان جب بھی کسی پریشانی، بیماری، رنج و ملال، تکلیف اپ":پہ-ور غم میں مبتلا ہوتا ہے حتی کہ اسے کوئی کانٹا بھی چبھتا ہے تو اللہ تعالیٰ اس کی وجہ سے اس کے کچھ گناہ مٹا دیتا ہے۔ اس حدیث مبارکہ کو امام بخاریؒ نے اپنی الجامع الصحیح میں روایت کیا ہے۔

انس بن مالک رضی اللہ عنہ سے روایت ہے کہ ایک اعرابی بخار میں مبتلا ہوا اور رسول اللہ صلی اللہ علیہ وسلم اس کے پاس اس کی عیادت کیلئے تشریف لے گئے، تو آپ صلی اللہ علیہ وسلم نے فرمایا۔ : "یہ کفارہ ہے اور پاک کرنے والا ہے۔" امام احمد نے اسے اپنی "مسند" میں روایت کیا ہے۔ پس بیمار شخص بیماری پر صبر کرنے اور اللہ تعالیٰ کے فیصلے پر راضی رہنے کی وجہ سے اللہ تعالی کی نظرِ عنایت میں رہتا ہےاور اس کا سارا معاملہ خیر ہی خیر ہے۔

والله تعالى أعلى وأعلم.