اسلام نے کیسے انسان کے تحفظ اور اس کی سلامتی پر زور دیا ہے؟ 

اسلام نے انسان کی حفاظت پر زور دیا ہے، چنانچہ اس نے تحفظِ نفس کو اپنےان  مقاصدِ کلیہ میں سے ایک مقصد بنا ہے جن کے حصول کے لیے شریعتیں آئی ہیں اور اس نے ان مقاصد کو حقوق کے درجے سے فرائض کے مقام تک پہنچا  کر بلند کر دیا ہے۔شریعت نے انسان کے حقِ زندگی اور اس کی حفاظت پر اکتفا نہیں کیا، بلکہ اس نے  انسان پر واجب کر دیا ہے کہ وہ ذرائع اختیار کرے جو اس کی زندگی اور اس کے جسم کی صحت کو محفوظ رکھے اور اسے اذیت اور نقصان سے بچائے۔ انسانوں کی حفاظت کے اسلامی مطالبہ کے مظاہر بہت سے ہیں، جن میں کچھ یہ ہیں: بیماریوں کے علاج اور روک تھام کا حکم دینا، ناحق کسی کو قتل کرنے سے منع کرنا،اور اس جرم کے مرتکب کو سخت ترین سزا دینا ہے، اس طرح خود کو یا دوسروں کو نقصان پہنچانے سے منع کرنا۔ ابو سعید الخدری رضی اللہ عنہ سے روایت ہےکہ رسول اللہ صلی اللہ علیہ وسلم نے فرمایا: ”نہ کسی کو(ابتداً) نقصان پہنچایا جاۓ اور نہ ہی کوئی بدلہ میں کسی کو ضرر پہنچایا جاۓ۔ امام حاکم رحمہ اللہ نے اسے روایت کیا ہے۔