کیا دہشت گرد تنظیمیں اپنے افراد کو حقائق وواقعات اور نتائج کے بارے میں سوچنے اور تحقیق کرنے کی اجازت دیتی ہیں؟

انتہا پسند اور دہشت گرد جماعتیں اپنے پیروکاروں کے ذہنوں کو مسدود کرنے اور ان کی قوت فہم کو ختم کر دینے پر  یقین رکھتی ہیں تاکہ وہ اپنےامراء اور قائدین کے ہاتھ میں ایک فرمانبردار آلہ بن کر رہیں کہ وہ جیسے ہی انہیں کوئی حکم دیں فوراً تعمیل  کریں اور بغیر کسی ہچکچاہٹ کے اپنے آپ کو قتل ہونے کیلئے پیش کر دیں؛ داعش کے معاملے میں ہم دیکھتے ہیں کہ تنظیم کے منتظمین اپنے پیروکاروں پر اثر انداز ہونے اور نئے عناصر کو اپنی صفوں میں راغب کرنے کے لیے جدید تکنیکی ذرائع اور سوشل نیٹ ورکنگ سائٹس کا استعمال کرتے ہیں اس طرح یہ سائٹس پرتشدد اور انتہا پسندانہ نظریے کو پھیلانے میں بہت موثر کردار ادا کرتی ہیں، وہ اس طرح کہ ان سائٹس پر تصویر خوش آئند اور تسلی بخش دکھائی دیتی ہے اور غیر مالوف چیزوں سے نئے عناصر کے خدشات کو دور کرتی ہے۔ مثال کے طور پر بہت سے جنگجو بلیوں اور پالتو جانوروں کے ساتھ اپنی تصاویر پوسٹ کر رہےہوتے ہیں۔ اگرچہ بہت ساری وڈیوز موجود ہیں جن میں شدت پسند جماعتوں کے جنگجوؤں- جن میں سے کچھ غیر ملکی بھی ہیں -  کی قتل اور جبر کی ہولناک کارروائیاں دکھائی گئی ہیں، لیکن داعش کے جنگجو اپنی زندگیوں کے بارے میں جو عمومی تصویر پیش کرتے ہیں وہ ایک دوستانہ، نیک جذبات اور  بامقصد سرگرمیوں ولی تصویر ہوتی ہے، ان سب چیزوں کو اس جھوٹی بہادری کے احساس کے ساتھ ملایا گیاہے، جسے مزید پیروکاروں اور حامیوں کو راغب کرنے کے لیے ڈیزائن کیا گیا ہے۔