آیا د پښتورګو فیل کیدو، او اورامو مریضانو او د وینې د مزمنو ناروغیو ناروغانو ته چې د وینې کڅوړو ته اړتیا لري او توان یې نه لري  زکات ورکول روا دي؟

د پښتورګو د فیل کیدو، او د اورامو مریضانو او د وینې د مزمنو ناروغیو ناروغانو ته چې د وینې کڅوړو ته اړتیا لري او توان یې نه لري  زکات ورکول شرعا جایز دي؛ ځکه چې خدای تعالی د زکات ورکیدونکو اتو ډلو کې بې وزله او مسکینان  په لومړي سر کې ګرځولي دي؛ او خدای تعالی فرمايي: ﴿إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ ۖ فَرِيضَةً مِّنَ اللَّهِ ۗ وَاللَّهُ عَلِيمٌ حَكِيمٌ﴾ [التوبة: 60] ژباړه: «دا صدقې خو په اصل کې د فقيرانو او مسكينانو لپاره دي، او د هغو خلكو لپاره دي چي د صدقو د چارو مامورين وي، او د هغو لپاره چي زړونه يې په لاس راوړل مقصد وي. دغه راز دا د غاړو د ازادولو او د پوروړو د مرستي لپاره د خداى په لار کې او په مسافر پالنه کې د استعمالولو لپاره دي. د الله له لوري يوه فريضه ده؛ او الله په هر څه پوهېدونكى او د حكمت څښتن دى»، ترڅو د مسکینانو  د مستحقوالي په لومړیتوب باندې ټینګار وکړي، او دا چې اساس یې د هغوى کفایت او د اړتیاوې پوره کيدل دي؛ لكه کور، خواړه، تعلیم او درملنه؛ په ځانګړې توګه د داسی دردناکو ناروغیو د وجود په صورت کې چې د درملنې لپاره یې لوړ لګښت ته اړتیا لري، لکه د پښتورګو فیل کیدل، او د دوی کفایت كې دا درملنه هم شامیلږی چې هغه د وینې د لګښت مصرف دی، ترڅو دوی د صحتمندو د ژوند له نعمت څخه برخوردار  شي؛ دا د دوی د اړتیاوو په لګښتونو کې شامل دي چې د غني له زکات پوره کیږي، او دا په دې اړه د مقرراتو او قوانینو په پام کې نیولو سره.