د طنز(كوميكس) په ذریعه د خلکو سپکاوی څه حکم لري؟

د خلکو انځورونه جوړول او د هغوی ویډیوګانې او عکسونه د طنز "کومیکس" په بڼه د مسخرو لپاره خپرول شرعا حرام دي او د قانون له مخې جرم دی؛ او دا کار بیا لا ډیر بد او جرم دي که دا هغو خلکو په اړه وي چې د بحرانونو او کړکیچونو څخه تیریږي. په ځانګړې توګه چې د بحران په وخت کې د ټولنې د غړو څخه د ریښتیني پیوستون او د ننګونو او ستونزو په وړاندې د دوی یو موټۍ کیدو هیله کیږي. د یو مسلمان له اخلاقو څخه دا نه ده چې په کړکیچ او بحران کې د ښکیلو خلکو تمسخر وکړي، د دې پرځای کومه مثبته هڅه ترسره کړی چې د بحران په هوارولو کې مرسته وکړي، د بیان ازادي، که څه هم د هرچا لپاره تضمین شوی ده، خو خپل ضوابط لري، چې یو یې دادی چې: چې د نورو سپکاوی او توهین پکې نه وي، حتی که هغه د عکس یا تبصره په توګه هم وي. او الله تعالى فرمايلي دي: {يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ} [الحجرات: 11]، ژباړه« اى هغو كسانو چې ایمان يې راوړى دى! هېڅ قوم دې په بل قوم پورې مسخرې نه كوي، كېدى شي چې هغوى له ده نه ډېر غوره وي»