صلہ رحمی کے کیا ضوابط ہیں؟

اللہ تعالی نے قرآن مجید کی بہت سی آیات میں صلہ رحمی کی نصیحت فرمائی ہے اور اس کا حکم دیا ہے۔ شرعاً یہ بات مسلم ہے کہ صلہ رحمی کی کیفیت مواقع، حالات  اور اشخاص کے بدلنے سے بدلتی رہتی ہے ۔ پس صلہ رحمی کی نوعیت لوگوں کے عرف میں جوکچھ میسر ہو کے مطابق ہو گی ، جیسے کہ ایک دوسرے کو ملنے جانا یا کسی طرح کی مواصلاتی وسائل کے ذریعہ ایک دوسرے سے رابطہ رکھنا۔ اصح قول کے مطابق اہلِ رحم وہ لوگ ہیں جو والدین کی طرف سے رشتہ دار ہوں۔ انسان پر واجب ہے رشتہ داروں کے ساتھ صلہ رحمی کرے اور ان کے حقوق ادا کرے ، چاہے انہوں نے اس کے ساتھ قطع تعلقی ہی کیوں نہ کی ہو کہ اللہ تعالی سے ثواب پا سکے۔